Туркияда автобус ва автомобиль тўқнашиб кетди, икки киши ҳалок бўлди
Воқеа Туркия шимолида содир бўлди, 16 киши жароҳатланди, дея хабар беради TRT Haber.
"Кастамонуда Истанбулдан Самсун томон ҳаракатланаётган автомобиль ва қарама-қарши йўлга чиқиб келаётган йўловчи автобуси юзма-юз тўқнашди. Ҳодиса оқибатида автомобиль ҳайдовчиси ва бир йўловчи ҳалок бўлди. Автобусда бўлган 16 йўловчи жароҳатланган”, дейилади телеканал хабарида.
Воқеа жойига етиб келган 12 та тез ёрдам бригадаси жабрланганларни шифохоналарга етказди.
