Turkiyada avtobus va avtomobil to‘qnashib ketdi, ikki kishi halok bo‘ldi
Voqea Turkiya shimolida sodir bo‘ldi, 16 kishi jarohatlandi, deya xabar beradi TRT Haber.
"Kastamonuda Istanbuldan Samsun tomon harakatlanayotgan avtomobil va qarama-qarshi yo‘lga chiqib kelayotgan yo‘lovchi avtobusi yuzma-yuz to‘qnashdi. Hodisa oqibatida avtomobil haydovchisi va bir yo‘lovchi halok bo‘ldi. Avtobusda bo‘lgan 16 yo‘lovchi jarohatlangan”, deyiladi telekanal xabarida.
Voqea joyiga yetib kelgan 12 ta tez yordam brigadasi jabrlanganlarni shifoxonalarga yetkazdi.
