Халқаро кўпкари ўйинлари бўлади – совриндорларга автомашина, туя, от берилади
17 март куни Наврўз умумхалқ байрами муносабати билан Жомбой тумани, Қўнғирот маҳалласи ҳудудидаги Қорақасмоқ отчопарида халқаро кўпкари ўйинлари бўлиб ўтади.
Унда республикамизнинг барча вилоятларидан ҳамда қўшни Тожикистон, Қозоғистон, Қирғизистон Республикаларидан 2 мингга яқин чавандозлар отлари билан майдонда солим учун беллашади.
Биринчиликни қўлга киритган чавандозга автомашина берилади.
Ғолиб ва совриндор чавандозларни туя, от, хўкиз, пул мукофоти, телевизор, музлаткич, гилам ва бошқа қимматбаҳо совғалар кутмоқда.
