Xalqaro ko‘pkari o‘yinlari bo‘ladi – sovrindorlarga avtomashina, tuya, ot beriladi
17 mart kuni Navro‘z umumxalq bayrami munosabati bilan Jomboy tumani, Qo‘ng‘irot mahallasi hududidagi Qoraqasmoq otchoparida xalqaro ko‘pkari o‘yinlari bo‘lib o‘tadi.
Unda respublikamizning barcha viloyatlaridan hamda qo‘shni Tojikiston, Qozog‘iston, Qirg‘iziston Respublikalaridan 2 mingga yaqin chavandozlar otlari bilan maydonda solim uchun bellashadi.
Birinchilikni qo‘lga kiritgan chavandozga avtomashina beriladi.
G‘olib va sovrindor chavandozlarni tuya, ot, xo‘kiz, pul mukofoti, televizor, muzlatkich, gilam va boshqa qimmatbaho sovg‘alar kutmoqda.
