55 000 000 сўм миқдордаги қалбаки купюраларни муомалага киритмоқчи бўлган шахслар жиноят устида ушланди
10 февраль куни Тошкент вилояти ИИББ уюшган жиноятчиликка қарши курашиш бўлими ҳамда Тошкент тумани ИИБ тезкор ходимлари томонидан ўтказилган тадбир давомида қиймати 55 миллионга яқин қалбаки 100 минг сўмлик купюраларни муомалага киргизмоқчи бўлган шахслар жиноят устида қўлга олинди.
Тафсилотларга кўра, Тошкент шаҳрида яшовчи 1991 йилда туғилган Ф.Р. танишлари 1997 йилда туғилган Ж.Т. ва А.А. билан бирга ноқонуний равишда қалбаки пулларни ясаб, уларни муомалага киргизиш мақсадида тайёрлаганида тезкор ходимлар томонидан далилий ашёлар билан ушланган.
Тадбир давомида ушланган шахслардан: 58 дона кесилган, 490 дона қоғозда тайёрланиб кесилмаган қалбаки 100 минг сўмлик купюралар, рангли принтер, 2 қути махсус қоғозлар, пичоқ ва бошқа буюмлар далилий ашёлар сифатида олинган.
Тошкент вилояти ИИББ ахборот хизмати хабарига кўра, мазкур ҳолат юзасидан ушланган шахсларга нисбатан Тошкент тумани ИИБ тергов бўлими томонидан Жиноят кодексининг 176-моддаси 2 қисми билан жиноят иши қўзғатилган.
