Анқара Стокголмдаги антитурк намойишлар туфайли Швеция Мудофаа вазирининг Туркияга ташрифини бекор қилди
Туркия ҳукумати Швеция мудофаа вазири Пол Йонсоннинг 27 январга мўлжалланган республикага ташрифини Стокгольмда бўлиб ўтган Туркияга қарши намойишлар туфайли бекор қилди. Бу ҳақда Туркия миллий мудофаа вазири шанба куни Германиядаги Рамштайн авиабазасида Ғарб давлатлари мудофаа вазирликлари раҳбарларининг йиғилишидан сўнг журналистларга маълум қилди.
“Президентимиз ва Туркияга нисбатан ушбу жирканч ҳаракатлар натижасида ҳеч қандай чора кўрилмаганини кўриб, афсусдамиз. Шунинг учун айни дамда Швеция Мудофаа вазири Йонсоннинг 27 январь куни Туркияга ташрифининг аҳамияти ва маъноси энди йўқолиб бормоқда. Шу сабабдан ташрифни бекор қилдик”, деди у.
АР агентлиги нашри маълум қилишича, Айни пайтда Туркия ва курдпараст гуруҳлар Стокгольмда параллел намойишлар ўтказишни режалаштирмоқда. Туркия Швеция ва Финляндиянинг НАТОга аъзо бўлиш учун альянсга аъзо барча давлатларнинг розилигини талаб қиладиган аризаларини шу пайтгача маъқуллашдан бош тортди.
Даниялик ўта ўнгчи фаол Туркиянинг Стокгольмдаги элчихонаси яқинида Қуръонни ёқиб юбориш ниятида норозилик намойиши ўтказиш учун полициядан рухсат олгани маълум бўлди. Швеция фуқаролигига эга бўлган фаол Расмус Палудан аввалроқ Дания ва Швецияда ҳам шунга ўхшаш норозилик намойишларини ўтказган, уларнинг баъзилари қаттиқ қарши намойишларга сабаб бўлган.
