Бугун Самарқанд шаҳридаги барча истироҳат боғларида болалар аттракционлардан бепул фойдаланмоқда

1 июнь – Халқаро болаларни ҳимоя қилиш куни муносабати билан Самарқанд шаҳрида болалар учун турли тадбирлар ўтказилди.

Жумладан, Алишер Навоий номли кўчада спорт мусобақалари, театрлаштирилган томошалар, ҳунармандчилик маҳсулотлари кўргазмалари ва концерт дастурлари намойиш этилди.

- Бу йилги байрам тадбири аввалгиларидан анча фарқ қилади, - дейди вилоят болалар кутубхонаси раҳбари Юсуф Муҳаммадиев. – Жумладан, тадбирда кутубхонамиз ходимлари эртак қаҳрамонлари кўринишида болажонлар учун турли викториналар ўтказяпти. Саволларга тўғри жавоб берган китобхон жажжиларимизга совғалар улашмоқда.

Самарқанд шаҳридаги барча истироҳат боғларида аттракционлар бепул хизмат кўрсатяпти.

Тўлқин Сиддиқов,
Жасурбек Шукуров (сурат).