Булунғурда сув омбори қурилади
Президентимизнинг вилоятимизга ташрифи якунлари бўйича йиғилиш баёнида белгиланишича, Булунғур туманида сиғими 100 миллион куб/метр бўлган «Булунғур сув омбори» қурилади.
Қурилиш ишлари 2019 йил биринчи чорагида бошланиб, 2021 йил биринчи ярим йиллигида тугалланади. Натижада, Булунғур тумани ва ҳудудга яқин жойлашган қўшни туманларнинг қишлоқ хўжалиги маҳсулотлари етиштирувчи деҳқон-фермерларини узлуксиз сув билан таъминлаш имконияти яратилади.
