Франциянинг Ницца шаҳрида номаълум шахс черков ёнидаги одамларга ҳужум қилди. Қурбонлар бор

Франциянинг Ницца шаҳрида номаълум шахс Нотр-Дам черкови ёнидаги одамларга пичоқ билан ҳужум қилди. Бу ҳақда BFMTV телеканали хабар берди.
Воқеа маҳаллий вақт билан соат 9:00 (Тошкент вақти билан соат 13:00)да содир бўлганлиги айтилмоқда. Дастлабки маълумотларга кўра, уч киши ҳалок бўлган, бир нечта одам жароҳатланган. Рейтер агентлиги берган маълумотга кўра, ўлдирилганларнинг бир нафари аёл.
Ҳужум уюштирган шахс ҳибсга олинган.