Fransiyaning Nitssa shahrida noma’lum shaxs cherkov yonidagi odamlarga hujum qildi. Qurbonlar bor

Fransiyaning Nitssa shahrida noma’lum shaxs Notr-Dam cherkovi yonidagi odamlarga pichoq bilan hujum qildi. Bu haqda BFMTV telekanali xabar berdi.
Voqea mahalliy vaqt bilan soat 9:00 (Toshkent vaqti bilan soat 13:00)da sodir bo‘lganligi aytilmoqda. Dastlabki ma’lumotlarga ko‘ra, uch kishi halok bo‘lgan, bir nechta odam jarohatlangan. Reyter agentligi bergan ma’lumotga ko‘ra, o‘ldirilganlarning bir nafari ayol.
Hujum uyushtirgan shaxs hibsga olingan.