Италияда қурғоқчилик: аҳоли гуруч ва балиқни асраб қолмоқчи
Италия экинлар, балиқларни нобуд қилувчи ва маҳаллий корхоналарга зарар етказадиган қурғоқчиликнинг драматик эпизодини бошдан кечирмоқда.
70 йил ичидаги энг даҳшатли қурғоқчиликка дуч келган Италия ҳукумати июль ойи бошида бешта шимолий минтақада фавқулодда ҳолат эълон қилди.
Шоличилар экинларидан айрилаётганини айтишмоқда. Плантацияларни тўлдириш учун сув етарли эмас. Худди шу ҳолат маккажўхори далаларида, суғориш каналларида кўзга ташланмоқда.
Пиатсензадан унча узоқ бўлмаган жойда, одамлар қурийдиган дарёдан нобуд бўлаётган балиқларни қутқаришга ҳаракат қилишмоқда. Улар кислород билан бойитилган сув идишларига солиниб, яқин атрофдаги дарёларга олиб кетилган.
Сув даражаси шунчалик пастки, Италиядаги энг узун дарёнинг бутун участкалари тўғонга айланди. Дам олувчилар деярли йўқ, саёзлик туфайли навигация хавфли тус олган.
По дарёси агентлиги бош директори Меуccио Берселли, бу сўнгги 20 йил ичида минтақадаги олтинчи инқироз эканлигини тушунтирди. Унинг гапларига кўра, қурғоқчилик яна такрорланади, шунинг учун самарали кураш стратегиялари зарур. Ёмғир сувларининг тўпланиши, қишлоқ хўжалигида қайта ишланган сувдан фойдаланиш имконини берувчи янги тозалаш иншоотларини лойиҳалаш, сув тежаш мақсадида қувурларни таъмирлаш ва замонавий, “ақлли” суғориш тизимларини ривожлантириш шулар жумласидандир.
Аммо буларнинг барчаси вақт ва маблағ талаб қилади. Айни пайтда, айрим жойларда ичимлик сув тақчиллигини тўлдириш учун қисқа муддатли ечимлар изланмоқда. Цистерналар Маггиоре кўли бўйидаги қишлоқларга олиб борилмоқда.
