Каттақўрғонда ноқонуний балиқ овлаган шахс 20 миллион сўм жаримага тортилди
Каттақўрғон туманида Экология ва атроф-муҳитни муҳофаза қилиш бўлими ҳамда туман ИИБ ходимлари ҳамкорлигида Каттақўрғон Сув омбори ҳудудида ноқонуний балиқ овлаш ва броканерликка қарши курашиш бўйича қўшма рейд тадбири ўтказилган.
Тадбир давомида Каттақўрғон тумани “Бунёдкор” МФЙ яшовчи фуқаро Н.С томонидан ноқонуний равишда 110 дона товон балиғини овлаётгани аниқланган.
Вилоят экология ва атроф-муҳитни муҳофаза қилиш бошқармасига кўра, овчига нисбатан маъмурий баённома расмийлаштирилиб, 1 миллион 350 минг сўм ва ҳайвонот дунёсига етказилган зарари учун 17 миллион 820 минг сўм жарима ҳисобланган.
