Қозоғистонлик тадбиркор аёл Ўзбекистонга суюлтирилган газни ноқонуний экспорт қилган
Чимкент шаҳридаги корхона директори бўлган аёл Ўзбекистонга суюлтирилган газни ноқонуний йўл билан етказиб берганликда айбдор деб топилди.
Қайд этилишича, тергов давомида аёл 2020-2021 йиллар давомида номаълум шахслардан суюлтирилган газни сотиб олиб, сохта ҳужжатлар билан божхона чегараси орқали оғирлиги 966 тоннадан ортиқ бўлган суюлтирилган газни ноқонуний равишда 146 миллион тенгедан ортиқ маблағга Ўзбекистон ва Тожикистонга сотганлиги аниқланган.
Суд ҳужжатларни қалбакилаштириш ва нотўғри кўрсатилган компаниялар билан ҳисоб-китоблар амалга оширилганини тасдиқлаган.
Аёлга нисбатан 4,3 миллион тенге миқдорида жарима қўлланган. Шунингдек, контрабанда товарлар миқдори ҳам ундирилади.
