Самарқанд иқтисодиёт ва сервис институтида 1 апрелдан масофавий таълим жорий этилади
Самарқанд иқтисодиёт ва сервис институтида 2020 йил 1 апрелдан бошлаб талабалар учун масофавий таълим асосида ўқишлар ташкил қилинмоқда.
Масофавий таълим платформасидан фойдаланишни ташкил этиш мақсадида кафедралар кесимида малакали дастурчи-муҳандис, ахборот технологиялари компетентлигига эга малакали профессор-ўқитувчи ва ўқув-услубий бўлим ҳамкорлигида ишчи гуруҳлар шаклллантирилган бўлиб, улар шу йўналишда ташкилий-амалий ишларни олиб бормоқда.
Талабаларга қулайлик яратиш мақсадида масофавий таълим платформаси сифатида Moodle LMS ва институт расмий сайти ҳамда ижтимоий тармоқлардан фойдаланилмоқда. Тасдиқланган режа-графиклар асосида фанларнинг электрон ўқув ресурслари ишлаб чиқилади ҳамда масофавий таълим платформасига жойлаштириб борилади.
Масофавий фаолият профессор-ўқитувчилар томонидан махсус режа ва дастур, график асосида (уйида ўтирган ҳолда) бажарилади.
Алишер ЭРНАЗАРОВ,
“Ахборот технологиялари” кафедраси мудири.
