Самарқанд ветеринария медицинаси институти жамоаси Орол бўйида дарахтлар экишда қатнашди

Самарқанд Ветеринария медицинаси институтининг профессор ўқитувчилари ва бир қатор талабалари “Яшил ўлка” акцияси доирасида Орол бўйида дарахт экиш ҳашарида иштирок этишди.

Акция доирасида талабалар ва институт профессор ўқитувчилари томонидан саксовул ва бошқа дарахт ниҳоллари экилди.

Шунингдек, бу ерда меҳнат қилаётган кўнгиллиларга Самарқанд нони ва бошқа миллий ширинликлар тортиқ этилди. Ноқулай об-ҳаво шароитига қарамасдан, дарахт экаётганларга палов тайёрлаш учун масаллиқлар ҳам етказилди.