Самарқандда икки автомашина тўқнашуви оқибатида "Lasettiʼʼ автомашинасида ёнғин юз берди
Бугун, 25 январ куни тунги соат 00:55да Самарқанд шаҳри Рудакий кўчасида иккита "Lasettiʼʼ автомобиллари иштирокида ЙТҲ содир бўлган.
Маълум қилинишича, фуқаро A.X. бошқарувида бўлган "Lasettiʼʼ автомобили ва шу йўналишда ҳаракатланиб кетаётган фуқаро Ж.С бошқарувида бўлган "Lasetti" тўқнашган. Натижада А.Х бошқарувидаги "Lasetti" автомобилида ёнғин содир бўлган.
Воқеа жойига 2 та ёнғин қутқарув техникаси жалб этилиб ёнғин ўчирилган.
Вилоят ФВБ хабарига кўра, ҳозирда терговга қадар текшириш ишлари олиб борилмоқда.
