Сенатор мактаб кутубхонасига китоб совға қилди

Китоб - билимлар калити. Фарзандларимизнинг китоб ўқишга бўлган қизиқиши оилада, мактабда шаклланади. Бунга фақат замин яратилса бўлгани.

Пахтачи туманидаги 13-умумий ўрта таълим мактабида ҳам китобсевар ёшлар кўп. Уларнинг маънавий оламини янада бойитиш, янги асарлардан баҳраманд қилиш мақсадида Олий Мажлис Сенати аъзоси Ф.Тошев мактаб кутубхонаси фондига 150 турдан ортиқ адабий-бадиий китоблар ҳамда энг сара ўзбек ва жаҳон адабиёти асарлари нашр этиладиган журналлар совға қилди.

Мактаб кутубхонасининг маънавий хазина билан бойитилиши ўқувчиларнинг китобга бўлган меҳрини ошириб, билимини бойитиши, шубҳасиз.

Муниса Шамсиева.