Туркия Миллий таълим вазирининг маслаҳатчиси Самарқанддаги коллежлар билан танишмоқда

Шу кунларда Туркия миллий таълим вазирининг маслаҳатчиси, профессор Мустафо Хилми Чолак ўғли Самарқанд вилоятида меҳмон бўлиб турибди.

Мустафо Хилми Чолак ўғли кеча вилоят касб-ҳунар таълими ҳудудий бошқармаси, Самарқанд таянч тиббиёт ҳамда Сартепа туризм ва маиший хизмат касб-ҳунар коллежларида бўлиб, уларнинг фаолияти билан танишди.

Туркиялик мутахассис коллеж директорлари, ўқитувчилар ҳамда ўқувчилар учун “Касб-ҳунар таълими тизимини шакллантиришда Туркия тажрибаси” мавзусида маҳорат машғулотлари ўтди.