Turkiya Milliy ta’lim vazirining maslahatchisi Samarqanddagi kollejlar bilan tanishmoqda

Shu kunlarda Turkiya milliy ta’lim vazirining maslahatchisi, professor Mustafo Xilmi Cholak o‘g‘li Samarqand viloyatida mehmon bo‘lib turibdi.

Mustafo Xilmi Cholak o‘g‘li kecha viloyat kasb-hunar ta’limi hududiy boshqarmasi, Samarqand tayanch tibbiyot hamda Sartepa turizm va maishiy xizmat kasb-hunar kollejlarida bo‘lib, ularning faoliyati bilan tanishdi.

Turkiyalik mutaxassis kollej direktorlari, o‘qituvchilar hamda o‘quvchilar uchun “Kasb-hunar ta’limi tizimini shakllantirishda Turkiya tajribasi” mavzusida mahorat mashg‘ulotlari o‘tdi.