Ургутда гиёҳванд моддалар савдоси билан шуғулланувчи шахс қўлга тушди
Ургут шаҳрида яшовчи 1970 йилда туғилган, муқаддам гиёҳванд моддалар савдоси билан боғлиқ жиноят содир этганлиги учун судланган шахс яна қинғир йўлга кирди.
У 1983 йилда туғилган маҳаллий фуқародан 787 грамм героин гиёҳванд моддасини 12 минг АҚШ долларига сотиб олиб, унинг автомашинасида туман маркази томон ҳаракатланаётган вақтида улар Давлат хавфсизлик хизмати Самарқанд вилоят бошқармаси, вилоят ИИБ ва божхона бошқармалари ходимлари томонидан ушланди.
ДХХ матбуот хизмати хабарига кўра, ҳозирда мазкур шахсга нисбатан Жиноят Кодексининг тегишли моддаси билан жиноят иши қўзғатилиб, тергов ҳаракатлари олиб борилмоқда.
