91 million so‘mlik elektr o‘g‘irligi: Samarqandda “Mayning ferma” tashkil etgan xonadon aniqlandi
Holat Bosh prokuratura huzuridagi Departamentning Samarqand shahar bo‘limi, DXX va IIB xodimlari hamkorligida o‘tkazilgan tezkor qidiruv tadbirida aniqlangan.
Ma’lum bo‘lishicha, Samarqand shahridagi Xo‘jasoat mahallasidagi xonadonlardan birida yashovchi U.U. o‘z uyining yordamchi xo‘jaligida 4 ta to‘plamdagi “Antimer” qurilmasini tijorat maqsadida elektr tarmog‘iga yashirincha ulab, 91,7 mln. so‘mlik elektr energiyasidan noqonuniy foydalangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
