Bahodir Jalolovning navbatdagi jangi Toshkentda o‘tkaziladi
Ikki karra Olimpiada chempioni Bahodir Jalolov navbatdagi jangini qachon o‘tkazish sanasi ham aniq bo‘ldi.
Liftpromotions ma’lumotiga ko‘ra, Jalolov 14 noyabr kuni "Humo Arena"da o‘tkaziladigan boks oqshomida ringga ko‘tariladi. Hozircha uning raqibi kim bo‘lishi e’lon qilinmagan.
Ma’lumot uchun, o‘sha kungi boks oqshomida Shahram G‘iyosov va Lazizbek Mullajonov ham ringga ko‘tariladi.
Eslatib o‘tamiz, Bahodir Jalolov 6 oktyabr kuni Sankt-Peterburgda rossiyalik Vitaliy Kuduxovni ochkolar evaziga mag‘lub etgandi.
