Bugun Botir Ahmedov, Hasanboy Do‘smatov hamda Fazliddin G‘oibnazarov Sochida ringga chiqadi

Bugun Rossiyaning Sochi shahrida joylashgan "Red Arena" majmuasida professional boks oqshomi tashkil etiladi.

Oqshomning markaziy jangida birinchi o‘rta vazn toifasida Rio Olimpiadasi chempioni Fazliddin G‘oibnazarov (11-1-0) rossiyalik sobiq jahon chempioni Rajab Butayev (14-1-0)ga qarshi jang o‘tkazadi.

Shuningdek, bugun o‘zbekistonlik bokschilardan Hasanboy Do‘smatov, Botir Ahmedov hamda Muhammadsalim Sotvoldiyevlar ham ringga chiqadi. Ahmedov - Sotvoldiyev jangi o‘zbek derbisida kim kuchli degan savolga javob beradi.

Bugungi boks oqshomi Toshkent vaqti bilan soat 19:30 da start oladi. Janglar Rossiyaning "Match TV" va "Match Boyets" kanallari orqali translyasiya qilinadi.

O‘zbekistonlik bokschilar ishtirokidagi janglar:

Markaziy jang. Birinchi o‘rta vaznda 10 raundlik jang: Fazliddin G‘oibnazarov (11-1-0) - Rajab Butayev (Rossiya, 14-1-0)

Minimal vaznda 10 raundlik jang: Hasanboy Do‘smatov (5-0-0) - Sifamandla Baleni (JAR, 21-5-2)

Yarim o‘rta vaznda 8 raundlik jang: Botir Ahmedov (9-3-0) - Muhammadsalim Sotvoldiyev (7-7-2).