Chet elga chiqishda «ta’qiq» borligini tekshirish uchun yangi tizim ishga tushdi

Pandemiya davrida chet elga chiqishda sanitar-gigiyenik talablar bilan birga hech qanday qarzdorlik majburiyati bo‘lmasligi lozim.

Qarzdorlikni yoki taqiqni aniqlash maqsadida ishlab chiqilgan MIBning rasmiy mib.uz sayti orqali bir zumda o‘zingizga nisbatan taqiq bor yoki yo‘qligini bilib olishingiz mumkin.

Tashqi mehnat migratsiyasi agentligi xabariga ko‘ra, qarzdorlik o‘z vaqtida bartaraf etilmasligi fuqarolarning chet elga chiqishiga «taqiq» qo‘yilishiga sabab bo‘ladi.

Mazkur saytda respublika hududidan chetga chiqish huquqi cheklangan yoki cheklanmaganligi haqidagi ma’lumotlar bilan tanishish, qarzdorlik aniqlangan taqdirda, uni shu zahoti ushbu saytda elektron tarzda Payme, Click, Upay va boshqa to‘lov tizimlari orqali to‘lash imkoniyati yaratilgan», - deyiladi ma’lumotda.