Deputatlar saylovchilar bilan uchrashdi
Xalq deputatlari Samarqand viloyati Kengashiga O‘zLiDePdan deputat Mo‘’tabar Yuldasheva hamda Toyloq tuman Kengashiga saylangan deputat Nasiba Mo‘minova shu hududga qarashli Xo‘jaqishloq va Yastepa mahallasidagi maktab, oilaviy shifokorlik punkti, maktabgacha ta’lim muassasalarida bo‘lib, ular faoliyati, aholi, bolalarga yaratilgan sharoitlarni o‘rgandi.
Dastlab deputatlar Xo‘jaqishloq mahallasi yettiligi ish faoliyati bilan tanishib, fuqarolar va tadbirkor muammolarini tingladi. Unda Xo‘jaqishloq, Saribozor, Jumabozor, Jalolobod mahallarida elektr energiyasi quvvati kamligi, shu hududga alohida elektr liniyasi tortib kelish masalasini aytishdi. Shuningdek, mahalla hududida yengil turdagi konstruksiyalar asosida mahalla yoshlari va nuroniylari uchun mahalla kutubxonasini tashkil etish bo‘yicha taklif berdi. Ushbu masalalar deputatlar tomonidan mukammal o‘rganilib, mutasaddi tashkilotlarga deputatlik so‘rovlari chiqarilib, nazoratga olinadigan bo‘ldi.
Deputatlar “Bir deputat 100 ayolga ko‘makchi” loyihasi doirasida mazkur mahallada tashkil etilgan o‘quv markazida tikuvchilik va kasanachilikni o‘rganayotgan xotin-qizlar bilan suhbatlashdi. Ularga subsidiya ajratish bo‘yicha amaliy yordam berishlarini bildirdi.
Shuningdek, deputatlar “Jumabozor” oilaviy shifokorlik punkti, 60-umumta’lim maktabi va 35-sonli MTMda bo‘lib, ushbu binolarning isitish tizimi holatlarini o‘rgandi.
Uchrashuvlar davomida mahalla yettiligi bilan hamkorlikda fuqarolarning sayyor qabulini tashkil etish, aholi tomonidan ko‘tarilgan muammolarni mahalliy ijro hokimiyati, mutasaddi tashkilotlar bilan birgalikda joyida hal etish choralarini ko‘rish bo‘yicha vazifalar belgilab olindi.
O‘zLiDeP viloyat Kengashi axborot xizmati.
