Dunyo voqealari qisqa satrlarda: Isroilning G‘azodagi operatsiyasi tarixdagi eng halokatlisi ekani aytildi. KXDR yadroviy hujumda ikkilanmasligi ma’lum qilindi
🔻 Associated Press Isroilning G‘azo sektoridagi harbiy kampaniyasi tarixdagi eng halokatli va fojeali kampaniyalardan biri ekanligini aytgan. Tahlilga ko‘ra, Isroil hujumi anklav shimolidagi barcha binolarning uchdan ikki qismidan ko‘prog‘ini va janubiy Xon tumanidagi binolarning to‘rtdan bir qismini vayron qilgan. Qurbonlar soni 20 mingdan oshgan.
🔻 BMT ma’lumotlariga ko‘ra, 570 ming kishi, ya’ni G‘azo aholisining chorak qismi - ochlikdan azob chekmoqda. Isroil armiyasi G‘azo sektoridagi yana 230 ta nishonga havodan zarba berganini da’vo qilmoqda. Isroilliklar G‘azo shahri janubidagi operatsiyani yakunlab, Falastin anklavining markaziga o‘tmoqda.
🔻 Kim Chen In 18 dekabr kuni qit’alararo ballistik raketasini muvaffaqiyatli uchirilishi fonida KXDR dushmanning yadroviy provokatsiyalarida “yadroviy hujumdan ham ikkilanmaydi” dedi.
🔻 Turkmaniston politsiyasi maktab o‘quvchilarining telefonlarini tortib olib, ularda pornografiya qidirmoqda. Aytilishicha, militsiya xodimlari ta’lim muassasalariga kelib, smartfonlarni yig‘ib, reydlar o‘tkazmoqda. Mamlakatda bunday tashriflar muntazam ravishda va ogohlantirishsiz amalga oshiriladi.
🔻 Erini o‘ldirganlikda ayblangan 30 yoshli Samira Sabzian Eronda qatl etilgan, u o‘smirlik chog‘ida turmushga chiqarilgan, oiladagi zo‘ravonlikka uchragan va keyin 10 yil qamoqda o‘tirgan. U 20 dekabr kuni Tehron chekkasidagi Gezel Xesar qamoqxonasida qatl etilgan. Samira 2023 yilda Eronda qatl etilgan 18 ayol bo‘lgan. 2010 yildan 2021 yilgacha mamlakatda kamida 164 nafar ayol qatl etilgan. 2022 yilda kamida 16 nafar ayol qatl etilgan. Aksariyat hollarda qatl etilgan eronlik ayollar o‘z erini o‘ldirganlikda ayblangan. Majburiy turmushga chiqqan qizlar oilaviy zo‘ravonlikka duch kelishadi, ammo sudda ajrashishning iloji yo‘q.
🔻 Fransiya prezidenti Makron mashhur aktyor Departeni himoya qilgan. Prezident aybsizlik prezumpsiyasini eslatib, aktyorni Faxriy legion ordenidan mahrum etishga qarshi chiqqan. U Deparde bilan bog‘liq janjalni “jodugar ovi” deb atadi.
🔻 Praga universitetida 24 yoshli talaba amalga oshirgan otishmada halok bo‘lganlar soni 14 kishiga yetgan, 25 kishi yaralangan. Otishma terrorizm yoki uyushgan jinoyatchilik bilan bog‘liq bo‘lmagan yakka tartibdagi hujum deyildi. Chexiya prezidenti Petr Pavel Fransiyaga safarini to‘xtatib, zudlik bilan Chexiyaga qaytgan. Mamlakatda 23 dekabr motam kuni deb e’lon qilingan.
🔻 Yaponiya Ukrainaga 950 million dollardan ortiq moliyaviy yordam yubordi. 900 million dollari Yaponiya hukumatining Ukraina aholisini ijtimoiy himoya qilish ehtiyojlari uchun ajratgan krediti, 52,4 million dollar vayron bo‘lgan uy-joylarni ta’mirlash uchun Yaponiya grantidir.
🔻 Xitoyda 19 dekabrga o‘tar kechasi ro‘y bergan zilzila qurbonlari 144 kishiga yetdi. Zilzila natijasida sodir bo‘lgan yer ko‘chkisi - uch metrlik loy qatlami ostida odamlar bo‘lishi mumkin.
🔻 Angliyada 103 yoshli archa kim oshdi savdosida 4000 dollarga sotib olindi. Archa ilk sun’iy ishlab chiqarilgan seriyadan bo‘lib, sobiq egasi Doroti Grantning oilaviy uyiga 1920 yilda olib kelingan.
