Dunyo voqealari qisqa satrlarda: Kim Chen In urushga tayyorlanmoqda. Isroil armiyasi yana aholi punktlariga zarba berdi. Eyfel minorasi yopildi
🔻 Shimoliy Koreya yetakchisi Kim Chen In Koreya Mehnat partiyasi markaziy qo‘mitasining plenumida Shimoliy Koreya armiyasini ehtimoliy urushga tayyorgarlikni tezlashtirishga chaqirib, Vashington tomondan provokatsiyalar soni ortib borayotgani va qarama-qarshilik kuchayib borayotganiga ishora qilgan va uning vassal kuchlarini Pxenyanga qarshi “tarixdagi misli ko‘rilmagan qarama-qarshilik harakatlarida” ayblagan. Aniqlik kiritilishicha, Shimoliy Koreya harbiy tayyorgarlik doirasida “antiimperialistik blok mamlakatlari” bilan aloqalarni kuchaytirmoqchi.
🔻 G‘azo sog‘liqni saqlash vazirligining ma’lum qilishicha, Bugun Isroilning G‘azo sektoridagi aholi punktlaridagi uylarga bergan zarbalari natijasida kamida 50 kishi halok bo‘lgan.
🔻 Turkiyada eng kam ish haqi oshirildi. Mamlakat mehnat va aholini ijtimoiy muhofaza qilish vaziri Vedat Ishixonning ma’lum qilishicha, 2024 yil 1 yanvardan boshlab eng kam ish haqi 49 foizga oshib, 17 002 turk lirasiga yetadi.
🔻 Sankt-Peterburgda bir hafta ichida 51 kishi koviddan vafot etgan. Bu Rossiyada virusdan o‘limning eng yuqori ko‘rsatkichidir.
🔻 Parijning asosiy diqqatga sazovor joyi xodimlarning ish tashlashi tufayli tashrif buyuruvchilar uchun yopiq - Eyfel minorasi fransuz muhandisi Gustav Eyfel vafotining 100 yilligi kunida yopilgan. Kasaba uyushma a’zolari kompaniyaning "haddan tashqari ambitsiyali va barqaror (iqtisodiy) modelini" qoralaydi. Minora Fransiya hukumatining buyrug‘i bilan 1889 yilgi Butunjahon ko‘rgazmasi uchun qurilgan va muhandis Gustav Eyfel tomonidan loyihalashtirilgan.
🔻 Qirg‘iziston Milliy xavfsizlik davlat qo‘mitasi xodimlari “Islom davlati” terrorchilik guruhi a’zolari Yangi yil bayrami oldidan pravoslav cherkoviga uyushtirishni rejalashtirgan terakt va qurolli hujumning oldini olgan. Bu haqda Milliy xavfsizlik davlat qo‘mitasi matbuot markazi ma’lum qilgan.
🔻 Fransiyaning eng yirik banki pul yuvishda gumon qilinmoqda. Iyun oyida Fransiyada BNP Paribas kompaniyasi, BNP Paribas Securities Services va Kiprda ro‘yxatdan o‘tgan kompanii TCR International Limited brokerlik kompaniyasining filialiga nisbatan og‘irlashtirilgan pul yuvishda gumon qilinayotgan dastlabki tergov boshlangan. TCR International Amerika rasmiylari tomonidan "Vagner" PMC va uning asoschisi Yevgeniy Prigojinning moliyaviy tarmoqlari bilan bog‘liqligi tilga olinganidan keyin Fransiya huquq-tartibot idoralari e’tiboriga tushgan.
🔻 Amerikalik publitsist Seymur Xershning aytishicha, Isroil bosh vaziri Binyamin Netanyahu Falastinning HAMAS harakati Isroil hududiga hujumga tayyorlanayotganini oldindan bilgan. Netanyahu Isroilning ikki asosiy razvedka agentligi Shin Bet va Mossadni undan ma’lumot yashirganlikda ayblab, hukumatni saqlab qolish uchun umidsiz kampaniya olib bormoqda, deydi publitsist.
🔻 Uzoq davom etgan xastalikdan so‘ng Livandagi “Hizbulloh” harakati asoschilaridan biri Muhammad Hasan Yagi vafot etdi. U 65 yoshda edi.
🔻Braziliyada minglab odamlar yangi prezident Xaver Millayning iqtisodiyotni liberallashtirish bo‘yicha "mega-dekret"iga qarshi namoyishga chiqdi.
