Dunyo xabarlari qisqa satrlarda: Livan hududidan Isroilga qarshi yangi front ochilish mumkin
Dunyo xabarlari qisqa satrlarda: Livan hududidan Isroilga qarshi yangi front ochilish mumkin. Erondagi yong‘inda o‘nlab odamlar halok bo‘ldi. Isroil qo‘shinlari G‘azo shahrini to‘liq qurshab oldi. AQSh flotida birinchi admiral ayol rahbarlik qiladi. Arxeologlar eng qadimiy urushni aniqlashdi.
🔻 "Hizbulloh" yetakchisi Hasan Nasrulloh bugun murojaat bilan chiqadi. Quvaytning “Al-Jarida” gazetasiga ko‘ra, Livan guruhi AQShga ultimatum qo‘ygan va Isroildan G‘azo sektoridagi harbiy amaliyotlarni to‘xtatishni talab qilgan. Ultimatum bugun tugaydi, shundan keyin Isroilga qarshi safarbarlik va urush e’lon qilinadi.
🔻 Isroil harbiylari Falastinning HAMAS radikal guruhiga qarshi maxsus operatsiya davomida G‘azo shahrini har tomondan o‘rab olishni yakunlagan. Potensial o‘t ochishni to‘xtatish haqida gap yo‘q, "sulh" muhokama qilinmayapti.
🔻 Isroil rasmiylari G‘azo sektori bilan barcha aloqalarni to‘xtatishi va anklavdagi barcha falastinliklarga kelajakda Isroil hududida ishlashni taqiqlashini ma’lum qildi.
🔻 36 jurnalist Falastin-Isroil ziddiyati qurboni bo‘lgan.
🔻 Blinken Tel-Avivga kelib, Netanyaxu bilan uchrashdi. Bu AQSh Davlat kotibining joriy vaziyatning keskinlashuvi boshlanganidan beri Isroilga ikkinchi tashrifidir. U Isroilning o‘zini himoya qilish huquqini qo‘llab-quvvatlashini e’lon qilishi, ammo insonparvarlik qonunchiligiga muvofiqlik haqida eslatishi kutilmoqda.
🔻 Putin yadroviy sinovlarni taqiqlash shartnomasini ratifikatsiya qilishni bekor qiluvchi qonunni imzoladi. Yadroviy sinovlarni to‘liq taqiqlash to‘g‘risidagi shartnoma 1996 yilda BMT Bosh Assambleyasi tomonidan qabul qilingan. Hujjat, boshqa davlatlar qatori, Rossiya tomonidan ratifikatsiya qilingan, ammo AQSh va Xitoy tomonidan emas.
🔻 AQSh Senati mamlakat tarixida ilk bor ayol kishi - admiral Liza Franchettini Harbiy-dengiz kuchlari shtab boshlig‘i lavozimiga tayinladi. U shuningdek, Qo‘shma Shtatlarda shtab boshliqlarining Birlashgan qo‘mitasida xizmat qilgan birinchi, mamlakat tarixida to‘rt yulduzli admiral darajasiga ko‘tarilgan ikkinchi ayoldir.
🔻 Eronning Lengerud shahridagi narkologiya klinikasida sodir bo‘lgan yong‘in oqibatida 32 kishi halok bo‘lgan, 16 kishi jarohatlangan.
🔻 Arxeologlar Yevropadagi birinchi yirik urushning sanasini aniqlashdi. Ilgari Yevropada bunday to‘qnashuvlar bronza davrida, taxminan 4 ming va 2,8 ming yil oldin sodir bo‘lgan deb hisoblangan. Ammo taxminan 5000 yil oldin bo‘lgan 300 dan ortiq odam suyaklarini qayta tahlil qilish, bu odamlarning aksariyati Yevropadagi eng qadimgi urushlar qurboni bo‘lganini ko‘rsatadi.
🔻 Gretsiyada 5,2 magnitudali zilzila qayd etildi. Oqibatda Evbeya orolida ko‘chkilar ro‘y bergan, binolar shikastlangan.
