Dunyodagi eng qadimgi jinsi shim 114 ming dollarga sotildi

AQShda kimoshdi savdosida sotilgan qadimiy jinsi shim 1857 yilda cho‘kib ketgan kemadan topilgan. Bu haqda Associated Press xabar bermoqda.

1857 yilda Shimoliy Karolina qirg‘oqlarida paroxod cho‘kib ketgan edi. Yaqinda o‘tkazilgan ekspeditsiya natijasida, boshqa narsalar qatorida, kema ichidan ishchi jinsi shim topildi. Topilma besh tugmachali o‘ta pishiq oq shim bo‘lib, yo‘lovchilardan birining shaxsiy buyumlari ichida bo‘lgan.

Jinsi Nevada shtatining Reno shahrida o‘tkazilgan "Oltin talvasasi" davridagi jihozlar kimoshdi savdosida sotildi. Kimoshdi savdosi vakillari uni dunyodagi eng qadimgi jinsi deb atashdi. Auksionda sotib olingan barcha tovarlar 1 million dollarga yetgan.