Eronda suv toshqinlari oqibatida 8 kishi halok bo‘ldi
Eronning Qizil Yarim Oy jamiyati matbuot kotibi Muhammad Hasan Qusiyan ma’lum qilishicha, kecha, 4 avgust kuni Eronning uchta viloyatida sodir bo‘lgan kuchli toshqin oqibatida sakkiz kishi halok bo‘ldi, bedarak yo‘qolganlar bor.
Sharqiy Ozarbayjon, G‘arbiy Ozarbayjon, Tehron, Zanjan, Semnan, Qazvin, Kurdiston, Kirman, Mazandaran va Hormozgan viloyatlaridagi Qizil Yarim Oy ishchilari qutqaruv ishlarini olib borishmoqda.
Hammasi bo‘lib 978 kishi qutqarildi, jarohatlanganlar bor.
Eronda bir haftadan buyon kuchli yomg‘ir tufayli suv toshqinlari davom etmoqda va shimoliy va shimoli-g‘arbiy viloyatlarida sel toshqinlari sodir bo‘ldi. Ulardan birida, sel G‘arbiy Ozarbayjon provinsiyasi aholi punktidagi ko‘prikni vayron qildi.
