Yevroguruh "gaz"li sanksiyalariga tayyorlanmoqda
Yevroguruh Rossiyadan gaz importini blokirovka qilinishi masalasini ko‘rib chiqish maqsadida Yevro hududi moliya vazirlari juma kuni uchrashdi.
Ular Rossiyaning Ukraina hududiga bostirib kirishi va allaqachon qabul qilingan va rejalashtirilgan sanksiyalar bilan bog‘liq voqealarni hisobga olgan holda Yevropa Ittifoqi iqtisodiyoti kelajagini muhokama qilishdi.
Bruno Le Maire, Fransiya iqtisodiyot va moliya vaziri:
"Biz Rossiya iqtisodiyotiga ta’sir qiladigan vaziyat oqibatlariga tayyormiz. Kecha biz unga qarshi keng ko‘lamli, samarali sanksiyalar qo‘llashga qaror qildik. Oqibatda Vladimir Putinning qarorlari, aqldan ozgan harakatlari uchun Rossiya xalqi «to‘lay»di, Rossiya oligarxlari to‘laydi. Ishonchim komilki, Yevropa emas, dunyo emas, balki Rossiya iqtisodiyoti zarar ko‘radi".
Hozirgacha Rossiya Federatsiyasi gazi Yevropa Ittifoqining energiyaga bo‘lgan ehtiyojining 40 foizini qoplamoqda. Yevro davlatlari AQSh va Ozarbayjondan gaz importini oshirishga umid qilishlari mumkin.
Valdis Dombrovskis, Yevrokomissiya rahbari o‘rinbosari:
«Agar biz Rossiyaga qarshi keng ko‘lamli sanksiyalar paketini qo‘llasak, bu YeI iqtisodiyoti uchun ham ma’lum oqibatlarga olib keladi. Biz allaqachon moliyaviy bozorlarda ayrim «asabiylik»ni ko‘rmoqdamiz, ammo bu vaziyatda Yevropa Ittifoqi sifatida, G‘arb, demokratik dunyo, biz javob berishimiz kerak va albatta, bu ma’lum iqtisodiy zarar bilan bog‘liq bo‘ladi».
Prognozlarga ko‘ra, ta’minot muammolari va sanksiyalar yevro hududi iqtisodiyotining o‘sishini sekinlashtiradi, shuningdek, yevro boshqa jahon valyutalariga nisbatan arzonlashishi mumkin. Rossiya qolib, tashqaridan gaz keltirish tufayli narx oshishi o‘rta muddatli istiqbolda Yevropaning iqtisodiy ko‘rsatkichlarini yomonlashtiradi. Uzoq muddatda esa - salbiy ta’sir zaiflashadi.
