Hindistonda koronavirus infeksiyasi bilan kasallanganlar soni 200 mingdan oshdi

3 iyun holatiga Hindistonda koronavirus infeksiyasi bilan kasallanganlar soni 207191 nafarni tashkil etmoqda. Bu haqda mamlakat Sog‘liqni saqlash va oilaviy osoishtalik vazirligi xabar berdi.

2 iyun kuni kasallanganlar soni 198370 nafarni tashkil etgan edi. kasallanganlar bir kecha-kunduzda 8821 nafarga oshdi.

Vazirlik taqdim etgan ma’lumotga ko‘ra, ayni vaqtda mamlakatda 101497 nafar bemor davolanmoqda. Umumiy hisobda 100302 nafar bemor to‘liq sog‘aygan, 5815 nafar bemor vafot etgan.

So‘nggi kecha-kunduzda sog‘ayganlar soni 4776 nafar va vafot etganlar soni 217 nafarni tashkil etgan.