Ishlab chiqarish hajmi ortmoqda
– O‘ttizga yaqin ishchi-xodim mehnat qilayotgan korxonamizda 2016 yilda 2 milliard 154 million so‘mlik mahsulot ishlab chiqarilgan edi, – deydi korxona rahbari Shohsanam Murodova. – Joriy yilda ishlab chiqarish hajmi hamda eksport ko‘lami birmuncha ortdi. Kelgusida qishloq xo‘jaligi mahsulotlari yetishtirishni yo‘lga qo‘yish, qayta ishlash va eksport qilish bo‘yicha istiqbolli loyihani amalga oshirishni rejalashtirganmiz.
