Jahongir xalqaro matematiklar olimpiadasining kumush medalini qo‘lga kiritdi
Joriy yilning 25-30 iyul kunlari yosh matematiklarning (IMC- International Mathematical Competition) onlayn xalqaro olimpiadasi o‘tkazildi. Unda 46 davlatdan 546 nafar talaba qatnashdi.
Olimpiadada yurtimiz talabalari ham muvaffaqiyatli ishtirok etib, 2 ta oltin, 5 ta kumush, 3 ta bronza medali hamda 4 ta faxriy yorliqni qo‘lga kiritdi.
Ushbu talabalar orasida Kattaqo‘rg‘on shahri 17-ixtisoslashtirilgan davlat umumiy o‘rta ta’lim maktabida tahsil olgan, hozirda O‘zbekiston Milliy universiteti talabasi Jahongir To‘rayev ham bor. U olimpiadada munosib ishtirok etib kumush medalni qo‘lga kiritdi.
Hilola ERGAShEVA.
