Kolbasa ichidan katta qog‘oz chiqdi
“GOLD” doktorskaya nomi ostida ishlab chiqarilayotgan kolbasaning ichidan ta’bni xira qiluvchi qog‘oz chiqqan. Bu haqda Iste’molchilar huquqlarini himoya qilish federatsiyasi ma’lum qildi.
“Axir, bu kabi e’tiborsizlik odamlarning sog‘lig‘iga jiddiy zarar keltirishi hech gap emas-ku! Bu kabi holatlar takrorlanmasligi uchun barchamiz birdek kurashmog‘imiz kerak. Ishlab chiqaruvchilarni esa insofga chorlab qolamiz. Agarda siz ham shunday vaziyatga tushsangiz, O‘zbekiston iste’molchilari huquqlarini himoya qilish jamiyatlari federatsiyasining 1091 ishon telefoniga qo‘ng‘iroq qilishingiz yoki yozma ravishda ariza berishingiz mumkin“, deyiladi tashkilot xabarida.
