Maktablarda majburiy forma 5 yilga kechiktirildi

Vazirlar Mahkamasining «Davlat umumiy o‘rta ta’lim muassasalari o‘quvchilarini zamonaviy yagona maktab formasi bilan ta’minlash chora-tadbirlari to‘g‘risida»gi 2018 yil 15 avgustdagi 666-son qaroriga o‘zgartirishlar kiritildi.

Bu haqda Bosh vazir o‘rinbosari Aziz Abduhakimov feysbukdagi sahifasida ma’lum qildi.

2019-2020 o‘quv yilidan boshlab o‘quvchilarning maktablarga Hukumat tomonidan tasdiqlangan shakllardagi maktab formasida kelishlari majburiy etib belgilangan edi.

Kiritilgan o‘zgartirishlarga muvofiq, majburiy maktab formasi 2024-2025 o‘quv yilidan joriy etiladi.