Notarial idoraga qilingan murojaatlar qanday hal etilyapti?
Samarqand viloyati sudida viloyat, tumanlararo, tuman va shahar sudyalari hamda respublika Notarial palatasining viloyat hududiy boshqarmasi vakillari, xususiy amaliyot bilan shug‘ullanuvchi notariuslar ishtirokida o‘tkazilgan tadbirda shu kabi savollarga javob izlandi.
Unda notariuslar va sudlar tomonidan fuqarolarni sarson qilish holatlariga barham berish, murojaatlarini o‘z vaqtida sifatli ko‘rib chiqish lozimligi ta’kidlandi. Chunki notarial idoraga qilingan murojaat ijobiy hal etilmasligi oqibatida fuqaro sudga murojaat qilishga majbur bo‘lmoqda, u ortiqcha vaqt, mablag‘ sarflamoqda.
Sudyalar va notariuslar amaliyotda duch kelayotgan muammoli masalalar bo‘yicha fikr almashdilar, mulohaza va takliflarini bildirdilar.
