Nurobodda «Kasaba uyushmasi kubogi» g‘oliblari aniqlandi

Nurobod tumanida «Besh tashabbus olimpiadasi» doirasida «Sog‘lam tanda – sifatli ta’lim» shiori ostida o‘tkazilayotgan «Kasaba uyushmalar kubogi» sport musaboqasining tuman bosqichi bo‘lib o‘tdi.

Unda mini futbol bo‘yicha birinchi o‘rinni tumandagi 3-maktab jamoasi egalladi. Voleybol bahslarida 34-maktab xotin-qiz o‘qituvchilari jamoasiga teng kelapdigani topilmadi.

Stol tennisi bo‘yicha ayollar turida birinchi o‘rinni 10-maktab o‘qituvchisi N.Bekqulova, erkaklar o‘rtasida 46-maktab o‘qituvchisi B.Sotiboldiyev, shaxmat bo‘yicha o‘tgan bahslarda erkaklar o‘rtasida 13-maktab o‘qituvchisi T.Sharipov, ayollar o‘rtasida 10-maktab o‘qituvchisi N.Bekqulova birinchi o‘rinni egalladi.

G‘oliblarga ta’lim va fan xodimlari kasaba uyushmasi Nurobod tumani kengashining kubogi, birinchi darajali medallari va estalik sovg‘alari berildi.