Nurobodlik 28 yoshli ayolni shahvoniy maqsadlar uchun sotmoqchi bo‘lganlar qo‘lga olindi
23 may kuni Samarqand viloyati IIB terrorizm va ekstremizmga qarshi kurash boshqarmasi va davlat xavfsizligi xizmati xodimlari tomonidan odam savdosiga qarshi kurash bo‘yicha tezkor tadbir o‘tkazildi.
Samarqand shahar Spitamenshox ko‘chasida yashovchi, 1983 yilda tug‘ilgan M.N. va 1988 yilda tug‘ilgan K.B. Nurobod tumani Ulus mahallasida yashovchi, 28 yoshli B.B. ni, shahvoniy maqsadlarda foydalanish uchun Turkiya davlatiga yubormoqchi bo‘lib, tadbir ishtirokchilaridan 800 AQSh dollari miqdoridagi pullarni olib, uning fuqarolik pasportini sotgan vaqtida qo‘lga olingan.
Samarqand viloyati IIB axborot xizmati xabariga ko‘ra, mazkur holat yuzasidan Jinoyat kodeksining 135-moddasi (Odam savdosi) 2-qismi bilan jinoyat ishi qo‘zg‘atilib, tergov harakatlari olib borilmoqda.
