Odobnoma: O‘qituvchi

O‘qituvchi tengdoshi bilan xafalashgan o‘quvchisidan so‘radi:

-Nega sening jahling chiqadi va sen xafa bo‘lasan? Tinchlanish va kechirim yaxshi emasmi?

-Nega men unga iltifot qilishim va uni kechirishim kerak? – o‘zini oqlamoqchi bo‘ldi o‘quvchi.

-Aytchi, xafa bo‘lganingda va jahling chiqqanda, o‘zingni yaxshi sezasanmi yoki tinch, osoyishta paytingdami?

-Albatta keyingisida, - javob berdi o‘quvchi. – Lekin aytingchi, ranjitishganda qanday xafa bo‘lmaslik mumkin? Bu juda qiyin-ku.

-Sen asosiysini tushungin, har safar kimningdir ayblaganingda xunob bo‘lasan, unutganingda va tinchlanganingda esa o‘zingni yaxshi his etasan.

“Hikmatlar javohiri” kitobidan.