O‘g‘irlab ketilgan g‘alati narsalar
Ko‘prik
“Ko‘prikni ham o‘g‘rilasa bo‘lar ekanmi?”, degan savol tug‘ilishi tabiiy. 2022 yilning aprel oyida Hindistonda bir guruh erkaklar bunday ishning iloji borligini isbotlab bergan. O‘shanda jinoiy guruh bitta but-butun 550 tonnalik temir ko‘prikni o‘g‘irlagan.
Ular hukumat xodimlari kiyimini kiyib, metall kesuvchi mash’alalar va ekskavatorlardan foydalanib, barcha alohida qismlarni kesib olib, ularni mahalliy metallolom sotuvchining hovlisiga yuboradi.
Hodisaga aloqador sakkiz kishi hibsga olingan, ular orasida hukumat amaldorlari va chiqindixona egasi ham bo‘lgan.
Eynshteynning miyasi
Patologoanatom Tomas Xarvi tarixdagi eng mashhur olimlardan biri murdasini yorish sharafiga muyassar bo‘ladi. Eynshteyn miyasini o‘rganish orqali uning intellektual qobiliyatlarini tushunib olishga umid qilgan shifokor olim miyasini olib tashlashga qaror qiladi. Bu qilmishi uni Prinston kasalxonasidan ishdan bo‘shatilishiga olib kelgan.
Olimning miyasi birinchi marta jamoatchilik va ilmiy jamoatchilikka kengroq taqdim etilgunga qadar, 1978 yilgacha Xarvi unga yakka egalik qilib kelgan.
Akula
Tarixdagi eng yirik dengiz o‘g‘irliklaridan biri 2018 yilning iyul oyida Texas akvariumidan butun bir akula o‘g‘irlanganida sodir bo‘ldi.
Akvarium menejeri suv filtrlash tizimiga oqartirgich eritma aralashtirib, katta kolyaskadan foydalanib, akulani o‘z mashinalariga ortib ketishayotgan o‘g‘rilarning akvariumdan chiqib ketayotganini payqab qoldi. Gumondorlar akulalar va dengiz hayvonlari bilan to‘lib toshgan hovuzi bor uygacha kuzatib borildi.
Gumonlanuvchilar darhol jinoyatga iqror bo‘ldi va ertasi kuni miss Helen ismli o‘g‘irlangan akula eson-omon akvariumga qaytarildi.
Quduq qopqoqlari
Bu jinoyat nomaqbul tuyulishi mumkin, ammo so‘nggi yillarda butun dunyoda, ayniqsa rivojlanayotgan mamlakatlarda quduq qopqog‘ini o‘g‘irlash tobora ortib borayotgan muammoga aylanib bormoqda.
Masalan, 2008 yilning sakkiz oyi davomida Kaliforniyadagi yo‘llar va xiyobonlardan har biri taxminan 8 kilogramm og‘irlikdagi ellikka yaqin quyma temirdan yasalgan quduq qopqoqlari o‘g‘irlab ketilgan.
Bahora Muhammadiyeva tayyorladi.
