Olma-otada bugundan terrorchilik tahdidining “to‘q sariq” darajasi bekor qilindi

Olma-otada yanvar oyi boshida boshlangan tartibsizliklardan so‘ng vaziyat barqarorlashdi va bugundan boshlab shaharda terrorchilik xavfining yuqori — “to‘q sariq” darajasidagi harakatlar bekor qilindi, deya xabar bermoqda terrorizmga qarshi kurash bo‘yicha shahar operativ shtabi.

Maxsus va huquq-tartibot idoralari xizmatning takomillashtirilgan turini amalga oshirishda davom etadi. Shtabda aholiga fuqarolik mas’uliyati uchun minnatdorchilik bildirildi.

Yanvar oyi boshida Janao‘zen shahrida (G‘arbiy Qozog‘istonda) boshlangan tinch namoyishlar butun mamlakat bo‘ylab iqtisodiy va siyosiy talablar bilan ommaviy norozilik namoyishlariga aylandi. Ba’zi hududlarda pogromlar boshlandi, ma’muriy binolar, politsiya bo‘limlari va do‘konlarga hujum qilindi.

5 yanvardan 19 yanvargacha respublikada favqulodda holat joriy etildi.

6 yanvar kuni Qozog‘istonning barcha viloyatlarida ro‘y bergan tartibsizliklar fonida terrorchilik tahdidining kritik - “qizil” darajasi joriy etildi. Keyinchalik vaziyat barqarorlashgan aksariyat hududlarda u bekor qilindi yoki yengillashtirildi. 25 yanvar kuni “qizil” daraja uch viloyat – Olmaota, Olmaota va Jambilda bekor qilindi.