Oxirgi sutka davomida dunyoda 352 ming nafardan ortiq yangi kasallanish holati qayd etildi

Jons Xopkins universitetining hozirgi (2021 yil 2 iyun kuni, Toshkent vaqti bilan soat 11:23 holati) ma’lumotlariga ko‘ra, dunyoda kasallikni 171 million 184 mingdan ortiq odam yuqtirgan, ulardan 3 million 565 mingdan ortig‘i vafot etgan.

Oxirgi sutka davomida dunyoda koronavirus infeksiyasi bilan kasallanishning 352 685 yangi holati aniqlandi, 8 055 nafar bemor vafot etdi.

Kasallik tasdiqlangan holatlar bo‘yicha AQSh birinchi o‘rinda turibdi, u yerda JSST ma’lumotlariga ko‘ra 32,929 milliondan ortiq koronavirus infeksiyasini yuqtirganlar aniqlangan.

Ikkinchi o‘rinda Hindiston (28,175 milliondan ortiq), uchinchi o‘rinda Braziliya (16,515 milliondan ortiq).

Jons Xopkins universitetining hozirgi ma’lumotlariga ko‘ra, dunyo bo‘yicha koronavirusga qarshi 1 milliard 934 milliondan ortiq doza vaksina qo‘llanilgan.