O‘zbekiston 831 million dollarlik meva-sabzavot eksport qildi
Statistika agentligi ma’lumotlariga ko‘ra, joriy yilning yanvar-sentyabr oylarida O‘zbekiston xorijga qiymati 831 mln. AQSh dollariga teng bo‘lgan 1,3 mln. tonna meva va sabzavotlar eksport qilgan.
Bu ko‘rsatgich 2022 yilning mos davriga nisbatan 1,1 barobarga yoki 99,5 ming tonnaga ko‘paygan.
Meva-sabzavot mahsulotlarining asosiy eksport bozorlari Rossiya (41,9 %), Pokiston (15,1 %), Qozog‘iston (12,2 %) hamda Xitoy (8,4 %) davlatlari hissasiga to‘g‘ri kelgan.
