O‘zbekiston xalq yozuvchisi Muhammad Ali bilan ijodiy uchrashuv tashkil etildi

“Ma’rifat ulashib” loyihasi tadbirlari doirasida “Ipak yo‘li” turizm va madaniy meros xalqaro universitetida O‘zbekiston xalq yozuvchisi Muhammad Ali va talabalar uchrashuvi bo‘lib o‘tdi.

Tadbirda Muhammad Ali turizm sohasida mutaxassislar tayyorlaydigan universitet faoliyatiga omad tiladi va o‘zining hayoti faoliyati xususida talaba-yoshlarga gapirib berdi. Darhaqiqat, adib bir qator tarixiy janrdagi kitoblar muallifi sifatida ham ma’lum va mashhur bo‘lib, yaqinda “Kleopatra” asari nashrdan chiqdi. Muallif ushbu asarning yozilish tarixiga to‘xtalarkan, yoshlarni buyuk tariximizni o‘rganishga chaqirdi.