Professor Dilorom Salohiy Nizomiy medali bilan taqdirlandi
Samarqand davlat chet tillar instituti professori, taniqli olima Dilorom Salohiy Ozarbayjon davlatining Boku shahrida ’’Turk dunyosi adabiyot va kitob forumi"da ishtirok etdi. Unda professor Turkiy davlatlar tashkiloti huzuridagi Xalqaro turkiy madaniyat tashkiloti – TURKSOY tomonidan ta’sis etilgan Nizomiy medali bilan taqdirlandi.
– Turkiy millatlarni birlashtirib turgan buyuk mutafakkirlarimiz Alisher Navoiy, Nizomiy Ganjaviy, Zahiriddin Muhammad Bobur hamda Maqsud Shayxzoda kabi ajdodlarimiz davomchisi bo‘lganimiz sababli turkiy millatlar o‘rtasida har sohada hamkorlik ishlari davom etmog‘i lozim, - deya o‘z fikrlarini bildiradi Dilorom Salohiy.
Shuningdek, forum davomida Dilorom Salohiy o‘zining ijodiy namunalarini jalb qilgan ’’Shayx Nizomiy ma’rifati” nomli kitobining taqdimotini o‘tkazdi.
