Qizchaga tegmagan Toshkent hayvonot bog‘idagi ayiqni ochiq tabiatga qo‘yib yuborish taklif qilindi
Facebook ijtimoiy tarmog‘i foydalanuvchilari ona tomonidan shafqatsizlarcha oldiga uloqtirilgan bolaga tegmagan Zuzu laqabli qo‘ng‘ir ayiqni ochiq tabiatga qo‘yib yuborishni so‘rashmoqda.
Mazkur so‘rovga O‘zbekiston Respublikasi Ekologiya va atrof-muhitni muhofaza qilish davlat qo‘mitasi matbuot xizmati kotibi Bunyod Abdullayev o‘z munosabatini bildirdi:
“Zuzu Kavkaz qo‘ng‘ir ayig‘i bo‘lgani bois, o‘ziga juft topishi va ochiq tabiatga qanchalik moslashib keta olishi noma’lum. Shu sababli mutaxassislar bilan maslahatlashgan holda bu masalani ko‘rib chiqish kerak".
