Qo‘shrabot tumanidagi O‘rtasoy mahallasi raisi "Spark" yutib oldi
Xabaringiz bor, keyingi paytda O‘zbekiston kasaba uyushmalari Federatsiyasi tomonidan turli tanlovlar o‘tkazilmoqda.
Xususan, Federatsiyasi tomonidan “Ayollar daftari” tizimi bo‘yicha olib borilayotgan keng qamrovli ishlarda barchaga o‘rnak bo‘layotgan, ayollarning muammo va murojaatlari hal etilishiga salmoqli hissa qo‘shayotgan mas’ul xodimlarni munosib rag‘batlantirish bo‘yicha bir qancha ishlar amalga oshirilyapti.
Tanlovning Respublika bosqichida hududlardagi mahalla fuqarolar yig‘inlari raislari o‘rtasida “xonadonbay” ishlashda “Eng yaxshi mahalla raisi” nominatsiyasi bo‘yicha Qo‘shrabot tumani “O‘rtasoy” mahalla fuqarolar yig‘ini raisi Tursunmurod Nurmatovga uchinchi o‘rinni egallagani uchun “Spark” avtomobilini qo‘lga kiritdi.
T.Nurmatov avtomobilni kasaba uyushmasi tomonidan o‘tkazilgan tanlov g‘oliblarini taqdirlashga bag‘ishlangan tadbirda, ya’ni 11 noyabr – O‘zbekiston kasaba uyushmalari kuni arafasida topshiriladi.
