Respublikachilar AQSh Kongressining ikkala palatasiga saylovlarda g‘alaba qozonmoqda
Telekanal prognozlariga ko‘ra, respublikachilar Vakillar palatasiga oraliq saylovlarda demokratlardan oldinda va AQSh Senatiga bo‘lib o‘tgan saylovlarda oldinga chiqib oldi.
Hisob-kitoblarga ko‘ra, respublikachi muxolifat nomzodlari allaqachon Vakillar palatasida 105 o‘ringa ega bo‘lishgan, demokratlar, Jo Bayden partiyadoshlari esa 57 ta o‘rin olishgan. Partiyalardan birining palatasi nazoratini olish uchun 435 tadan 218 ta o‘rin bo‘lishi kerak.
New York Times prognoziga ko‘ra, Vakillar palatasiga qayta saylanishga muvaffaq bo‘lganlar orasida respublikachi Marjori Teylor Grin ham bor. U AQShning amaldagi prezidenti Jo Baydenga impichment e’lon qilish rezolyusiyalari muallifi va Oq uyning sobiq rahbari Donald Trampga yaqin.
Bir qator yetakchi ommaviy axborot vositalari prognozlariga ko‘ra, avvalroq Ukrainaga 40 milliard dollar yordam ajratish to‘g‘risidagi qonun loyihasining qabul qilinishiga to‘sqinlik qilgan va postsovet hududida NATOning kengayishiga qarshi chiqqan respublikachi Rend Pol Senatga o‘tadi.
Seshanba kuni AQShda Kongressga saylovlar boshlandi. Vakillar palatasining barcha 435 o‘rni va Senatdagi 100 o‘rindan 35 tasi hal qiluvchi hisoblanadi. Hozirda har ikkala palatada ham demokratlar ko‘pchilikni tashkil etadi. So‘nggi ikki yil davomida har ikki palatada ozchilikni tashkil etgan respublikachilarning muvaffaqiyatini asosiy so‘rovlar ham bashorat qilmoqda.
