Samarqand shahridagi barcha ta’lim muassasalariga kuzatuv kameralari o‘rnatildi
Viloyat ichki ishlar boshqarmasi ma’lumotlariga ko‘ra, “Xavfsiz shahar” konsepsiyasi asosida bugungi kunda Samarqand shahridagi 97 maktabgacha ta’lim muassasasi, 76 umumta’lim maktabi, 7 akademik litsey, 29 kollej va 8 oliy o‘quv yurtining asosiy kirish eshiklari va bino oldida videokuzatuv moslamalari o‘rnatildi.
Ushbu moslamalar viloyat ichki ishlar boshqarmasining situatsion markaziga bog‘lanib, to‘g‘ridan-to‘g‘ri kuzatiladi hamda nazorat qilinadi.
